ആശിച്ചു ആൽമരച്ചോട്ടിൽ

ആശിച്ചു ആശിച്ചു കാതോർത്തിരുന്നു 

ആൽച്ചുവട്ടിൽ നിൻ കാൽപ്പെരുമാറ്റം  

കാതോർത്തിരുന്നു ,ആരുംകാണാതെ 

അകലെ നിന്നും നീ അരികെവന്നു 

പ്രണയത്തിൻ മധുരമാം പാൽപ്പായസ൦ 

ഒരു   വാഴയില കുമ്പിളിൽ എൻ ചുണ്ടിൽ 

നീ പകർന്നു തന്നു..

ചന്ദ്രികേ നീ പകർന്നുതന്നു.

 

ആ മോതിര വിരലാൽ ഹരിചന്ദന൦  

നെറുകയിൽ വരച്ചുതന്നു ,ഈശ്വര 

ചൈതന്യം ചുറ്റും നിറഞ്ഞിരുന്നു 

ആഘോഷമായിരുന്നു  ഹൃദയത്തിൽ 

ആൽമര പച്ചപ്പിൽ ഇണക്കിളികൾ 

കൊഞ്ചലുകൾ തുടർന്നു  

അതുകണ്ട്  ത്രിസന്ധ്യയിൽ

കർപ്പൂരഗന്ധമേറും കാറ്റും 

താരങ്ങളും  ദീപങ്ങളും 

ഒളിച്ചുകളിച്ചു ചിരിച്ചുനിന്നു.