കാറ്റേ നീ ചൂളമടിച്ചു
പാറിപ്പറക്കും ഒരു കാട്ടു പറവ
കാറ്റേ നിന്നെകണ്ടു ഞാൻ
കുളിർക്കാറ്റെ നീ ഇട്ട
വെള്ള മുട്ടകൾ മിന്നുമാ
ആലിപ്പഴങ്ങൾ അല്ലേ...?
ഈ പുല്‍ത്തകിടിമേലെ
ഞാൻ എത്തിനോക്കവെ
നീ പാറിപ്പറനെത്തി
എൻറെ രോമകൂപങ്ങളിൽ
കൊത്തിവലിച്ചു
കോരിത്തരിപ്പതേകിയില്ലേ
മൃദുലമാതൂവലാൽ ഒപ്പം
ഒപ്പിത്തലോടി ചിറകുകൾ വീശി
പോകവേകണ്ടു ചാരത്തു
ചേലൊത്തു ഒഴുകുന്ന
പുഴയിൽ ഓളങ്ങൾ
തീർക്കുന്ന നിൻ നിഴലും .
പൂമരചില്ലയിൽ ആഘോഷമാക്കും
കരിയിലകൾ കൊത്തിപ്പറക്കും
ലോകമാകെ ചലിക്കുമീ ശ്വാസമായി
ഹൃദയക്കൂട്ടിൽ ചേക്കേറും
കാറ്റേ നീ ഒരു കാട്ടു പറവ
No comments:
Post a Comment