പാതിത്യം
ഇടിത്തീയിൽ വീണൊരോ
മഴത്തുള്ളി ശോഭമങ്ങി
ചിതറവെ മണ്ണിലേക്കു
നോക്കി വിണ്ണിലെവജ്ര
നക്ഷത്രങ്ങൾ ചിരിക്കുന്നകണ്ടോ ?
നിൻറെ പാതിത്യത്തിൽ
മേദിനിനിന്നെ മാറോടുചേർത്തു,
അലിയവെകുളിരായി
പുഴയും കാടും കടലും
നിർവൃതിയിലാടുകയായി.
മുഗ്ദ്ധ മണിരത്നമായി
സ്നേഹ പ്രവാഹമായി.
നിൻറെ വീഴ്ച്ച കണ്ടവർ
ഇളിഭ്യരായി ... പാതിത്യത്തിൽ
നിന്നും നീ ഉണർന്നു പാറുക
ചെറു മുത്തേ ഉയരത്തിലേക്കു
അത് നിൻറെ ആകാശം.
അത് നിൻറെ ആകാശം.
No comments:
Post a Comment