ഖാണ്ഡവികൻ

ഖാണ്ഡവികൻ ഒരു മാന്ത്രികൻ
ഒരു പഥികനാം കലാകാരൻ
അയാൾ മണ്ണും വിണ്ണും കടലും
കൈകളിലാട്ടി ചുട്ടെടുക്കുന്നു
പല പല പലഹാരങ്ങൾ
വരിക തിന്നാം ഈ കടൽ
വരിക തിന്നാം ഈ ആകാശം
വരിക തിന്നാം ഈ മണ്ണ്
ആ പലഹാരങ്ങൾക്ക്
എന്തൊരു സ്വാദ് നിറവും മണവുമാണ്
തിന്നുക രുചിയറിഞ്ഞു
നിങ്ങളാടുക പാടുക പുകഴ്ത്തുക
തിന്നുമുടിപ്പിച്ചു പോകുമ്പോൾ
ആ ഖാണ്ഡവികൻ തറയിൽ
ഇരുന്നുതൂത്തുവാരി തിരിഞ്ഞുനോക്കുക
പലരും വലിച്ചെറിഞ്ഞു
പാഴാക്കിയ മണ്ണും വിണ്ണും കടലും.
ആ ഖാണ്ഡവികൻ
ചുട്ടെടുത്തു പലഹാരങ്ങൾ
വിനോദ് കുമാർ വി