കറുത്ത കരിമ്പെ കറുത്ത കരിമ്പെ

കറുത്ത കരിമ്പെ കറുത്ത കരിമ്പെ
കരിമണലിൽ ഉറച്ചുനിന്നുകാറ്റിലാടി
രമിച്ചു നിൽക്കുമ്പോൾ , മധുരസുന്ദര
സ്വപ്നങ്ങളുമായി വസന്തം വന്നു
തേൻമധുരം നിറച്ചു ,തുള്ളിയാടും
പൂക്കുലകളിൽ തേൻ കുരുവികൾ
മുത്തമിട്ടു ചുറ്റിപാടിപ്പറന്നു.
കറുത്ത കരിമ്പെ കറുത്ത കരിമ്പെ
ആ മധുരഹൃദയം മോഹിച്ചു വരമ്പിലൂടെ
നിന്നെ തേടിഞാനും വന്നു
പദനിസ്വനം കേട്ടപ്പോൾ ആരൂള്ള
ഇലകൾ മുറുമുറുത്തു എൻറെ കയ്യിൽ
അരോചകമാവിധം മുറിവുതീർത്തു.
നിൻറെകൈത്തണ്ടിലും  ചുവപ്പുകണ്ടു . 
കറുത്ത കരിമ്പെ കറുത്ത കരിമ്പെ