ആരുണ്ട് കുഞ്ഞേ ഇനി നിനക്കായി

ആരുണ്ട് കുഞ്ഞേ ഇനി നിനക്കായി 
കണ്ണടച്ചിരിക്കട്ടെ ഭരണാധികാരികൾ 
പ്‌ളാറ്റുഫോമിൽ നിനക്ക് 
പട്ടിണി ആയിരുന്നെങ്കിലും 
ഓമലേ നീ  മാറിൽഒട്ടിക്കിടക്കുമ്പോൾ 
വറ്റാതെ തന്നൊരാ പാൽ അമൃതം 
തരുവാൻ ഉണ്ടായിരുന്നുവായമ്മ .
ആരുണ്ട് കുഞ്ഞേ  ഇനി നിനക്കായി 


കണ്ടൊരാ ഇരുമ്പുതൂണിലായി 
സാരിത്തുമ്പിനാൽ തൊട്ടില്‍ കെട്ടി 
താരാട്ടുപാടുവാൻ  നിനക്കായി
ചാരെ ഉണ്ടായിരുന്നുവായമ്മ .
യാചിച്ചെങ്കിലും  മഹാമാരിയിലും 
ലാളിച്ചു നിന്നെ ഒക്കത്തിരുത്തി 
ചോറൂട്ടുവാൻ ഉണ്ടായിരുന്നുവായമ്മ .
ആരുണ്ട് കുഞ്ഞേ  ഇനി നിനക്കായി 

ചത്തുകിടപ്പതുമറിയാതെ 
തട്ടിവിളിക്കും കുഞ്ഞേ ഇവിടെ 
അപ്രധാനമാകുന്നു ഓരോ ജന്മം 
നിന്റെഅമ്മയുമൊരു താരകം 
നിനക്കായി കരുതിവെച്ചുവാ 
ഉറങ്ങാനൊരു കമ്പിളിവസ്ത്രം.
പിച്ചവെച്ചുനടക്കുമ്പോൾ വഴികാട്ടുമോ 
ആ കണ്ണീർ തോരാത്ത താരകം