ഒട്ടകം

  ഒട്ടകം 

പച്ചവെള്ളംകുടിക്കാതെ പച്ചപ്പുകാണാതെ
മരുഭൂവിൽ അസഹ്യമാം യാതനകളിൽ
അലഞ്ഞായുസുതീർക്കുന്ന  ഒട്ടകം 
പാദുകങ്ങളില്ലാതെ ചുട്ടുപൊള്ളും
വെയിലിൽ  ആ പൊൻ മണലിൽ
ഭാണ്ഡം ചുമ്മക്കുന്നവൻ ഒട്ടകം
ഒരുപുരുഷായുസ്സു തീരുമ്പോൾ
തൊക്കുകൾചുക്കിചുളിഞ്ഞു കാഴ്ചമങ്ങി
ബന്ധുക്കളെ തിരയുന്നാ ഒട്ടകം .
ഉറ്റവർ തന്നെ പറയുന്നു...
നിൻറെ ഭാണ്ഡത്തിൽ ഒന്നുമില്ല.
നിസ്‌നേഹസമൂഹമേ ലജ്ജിച്ചു
തലതാഴ്ത്തുന്നു,പൊഴിക്കാൻ കണ്ണീരില്ല.
ഉടയോന്നെ നമസ്ക്കരിച്ചു
കഴുത്തു നീട്ടി ഈന്തമരത്തിൻ
തണലിൽ മരണംവരെയുറങ്ങട്ടെ...
എമ്പാടുമൊന്നുനോക്കി ചിറകടികൾ
കേൾക്കുന്നപോലെ അത് കഴുകനോ
കൊത്തിപ്പറിക്കാൻ ഇറങ്ങുന്നതോ
അതോ ദൈവത്തിൻസ്വന്തം
നാട്ടിലെത്തിക്കാൻ വരും
രാജഹംസങ്ങളോ .......?
അപ്പോൾ മണിഹർമ്യങ്ങളിൽ
പത്രതാളുകളിൽ വാർത്തകണ്ടു 
പനിബാധിച്ചൊരു ഒട്ടകം ചത്തു.
അങ്ങനെ എത്രയോ ഒട്ടകങ്ങൾ.
ഒന്നുമില്ലാതെ ആരുമറിയാതെ
കിടപ്പൂമരുഭൂവിൽ .